Monday , November 27 2017
Home / FNews / ကျောက်ဖြူအထူးစီးပွားရေးဇုန်စီမံကိန်း၏ အခွင့်အလမ်းနှင့် စိန်ခေါ်မှုများ အစီရင်ခံစာ စာအုပ်ထွက်ရှိ

ကျောက်ဖြူအထူးစီးပွားရေးဇုန်စီမံကိန်း၏ အခွင့်အလမ်းနှင့် စိန်ခေါ်မှုများ အစီရင်ခံစာ စာအုပ်ထွက်ရှိ

 

အာရကန်ကိုကို (မြစ်မခ)

ကျောက်ဖြူ၊ နိုဝင်ဘာ ၂၁ ရက်။

ရခိုင်ပြည်နယ်၊ ကျောက်ဖြူမြို့နယ်အတွင်း အကောင်အထည်ဖော်မည့် ကျောက်ဖြူအထူးစီးပွားရေးဇုန်စီမံကိန်း နှင့် ပတ်သက်၍ ကျောက်ဖြူကျေးလက်ဒေသဖွံ့ဖြိုးရေးအသင်း(KRDA)က “ကျောက်ဖြူအထူးစီးပွားရေးဇုန်၏ အခွင့်အလမ်းနှင့် စိန်ခေါ်မှုများ” စာအုပ်မိတ်ဆက်ပွဲကို နိုဝင်ဘာ ၂၀ ရက်က ကျောက်ဖြူဟိုတယ်၌ ပြုလုပ် ခဲ့ကြောင်း သိရှိရသည်။

“ဖွံ့ဖြိုးတိုးတက်မှုအပိုင်းကို ကျွန်တော်တို့လက်မခံနိုင်စရာ အကြောင်းမရှိပါ။ သို့သော်လည်း ဖွံဖြိုးမှုအပိုင်းကိုသွား တဲ့အခါ အဲဒီဖွံ့ဖြိုးမှုလုပ်ငန်းဟာ ဘယ်လူထုကိုအခြေခံသလဲဆိုတဲ့ Process ကို လေ့လာပါတယ်။ ကျောက်ဖြူ SEZ တည်သည်ပဲဖြစ်ဖြစ်၊ တခြားနည်းလမ်းတွေနဲ့ ဖွံ့ဖြိုးမှုအပိုင်းကိုလုပ်သည်ပဲဖြစ်ဖြစ်၊ ကျွန်တော်တို့အသင်းရဲ့ ရပ်တည်ချက်ဖြစ်တဲ့ လူသားတိုင်းမှာရှိနေတဲ့ လူ့အခွင့်အရေးနဲ့ ဂုဏ်သိက္ခာမချိုးဖောက်ဖို့ ဒီစာအုပ်မှာ တိုက် တွန်းထားပါတယ်။ ချိုးဖောက်ခံလာရရင်တော့ ဒီစီမံကိန်းကို ရပ်တန့်ထားသင့်တယ်လို့ တိုက်တွန်းထားပါတယ်။” ဟု ကျောက်ဖြူမြို့နယ် ကျေးလက်ဒေသ ဖွံ့ဖြိုးရေးအသင်းမှ ညှိနှိုင်းရေးမှူး ဦးထွန်းကြည်က ပြောသည်။

အဆိုပါစာအုပ်တွင် စာမျက်နှာ(၁၂)မျက်နှာပါရှိပြီး ကျောက်ဖြူအထူးစီးပွားရေးဇုန်ဖော်ဆောင်ပါက  ဖြစ်ပေါ် လာမည့် အလုပ်အကိုင်အခွင့်အလမ်းများရရှိခြင်းထက် ဆိုးကျိုးသက်ရောက်မှုများ၊ စီမံကိန်းနှင့် ပတ်သက်၍ ဥပဒေ၏အားနည်းချက်များနှင့် လယ်ယာမြေလျော်ကြေးကိစ္စများ၊ ကျေးရွာများရွေ့ပြောင်းရနိုင်ခြေရှိမှုများကို ဒေသခံများ အကျယ်တဝင့်နားလည်သိရှိစေရန် စာအုပ်မိတ်ဆက်ပွဲပြုလုပ်ရခြင်းဖြစ်ကြောင်း ကျောက်ဖြူမြို့နယ် ကျေးလက်ဒေသဖွံ့ဖြိုးရေးအသင်းမှ သိရသည်။

စာအုပ်မိတ်ဆက်ပွဲအခမ်းအနားသို့ ကျောက်ဖြူအထူးစီးပွားရေးဇုန် သတ်မှတ်ဧရိယာအတွင်းရှိ ကျေးရွာအုပ်စု (၉)ခု၊ ကျေးရွာပေါင်း(၄၂)ရွာမှ တောင်သူခေါင်းဆောင်များ၊ ဖိတ်ကြားထားသည့် လူမှုရေးအဖွဲ့အစည်း ခေါင်းဆောင်များ တက်ရောက်ခဲ့ကြောင်း သိရသည်။

“ကျောက်ဖြူ SEZ ကို အနီးစပ်ဆုံးသီလဝါစီမံကိန်းနဲ့ ချိန်ထိုးကြည့်လိုက်တဲ့အခါ နိုင်ငံဖွံ့ဖြိုးရေးထက် ဒေသခံတွေ အပေါ်မှာ ဆိုးကျိုးသက်ရောက်မှုက ပိုများတာတွေ့ရတယ်။ ကျေးရွာတွေ ရွေ့ပြောင်းရမယ်။ လူ့အခွင့်အရေးချိုး ဖောက်ခံရမယ်။ ဥပဒေအားနည်းနေတဲ့ မြေယာလျော်ကြေးကိစ္စ၊ မြေလွတ်မြေရိုင်းဆိုတဲ့ ရှုပ်ထွေးနေတဲ့ကိစ္စတွေ က တသီတတန်းကြီးပါပဲ။ ဒါကြောင့် စီမံကိန်းကို လောလောဆယ် နှစ်ကာလအတွင်း ဆိုင်းငံ့ထားသင့်တယ်လို့ ပဲပြောချင်တယ်။”ဟု ကျောက်ဖြူအထူးစီးပွားရေးဇုန်စီမံကိန်းဧရိယာအတွင်းရှိ တောင်သူလယ်သမားများလူမှု ဘဝဖွံ့ဖြိုးရေးအသင်းမှ ဘဏ္ဍာရေးတာဝန်ခံ ဦးထွန်းကျော်ဇံက ပြောသည်။

မြေ(၄၂၈၉.၃၂)ဧကတွင်တည်ဆောက်မည့် ကျောက်ဖြူအထူးစီးပွားရေးဇုန်စီမံကိန်းတွင် အထူးစက်မှုဇုန်စီမံ ကိန်း၊ ရေနက်ဆိပ်ကမ်းစီမံကိန်း၊ ဟိုတယ်ဇုန်ဖွံ့ဖြိုးရေးစီမံကိန်းနှင့် အိုးအိမ်ဖွံ့ဖြိုးရေးစီမံကိန်းတို့ပါဝင်ပြီး ပထမ
အဆင့်အနေဖြင့် အထူးစီးပွားရေးဇုန်စီမံကိန်းအား ၂၀၁၈ ခုနှစ်ဆန်းပိုင်းတွင် စတင်အကောင်အထည် ဖော်မည်ဖြစ်ကြောင်း သိရသည်။

ကျောက်ဖြူအထူးစီးပွားရေးဇုန်တည်ဆောက်ရန် ၂၀၁၅ ခုနှစ် ဒီဇင်ဘာ ၂၈ ရက်က လွှတ်တော်တွင် အတည်ပြုခဲ့ပြီး ယင်းစီမံကိန်းဖော်ဆောင်ရန် တရုတ်ကုမ္ပဏီ CITIC အုပ်စုက တင်ဒါရရှိထားပြီးဖြစ်သ်ာလည်း လက်ရှိအချိန်ထိ အကောင်အထည်ဖော်ဆောင်ရွက်နိုင်ခြင်း မရှိသေးကြောင်း သိရသည်။

Check Also

ဝါသနာရှင်များ စုဆောင်းထားသည့် ကားပုံစံငယ်များ ပြပွဲ (၂)ရက်တာကျင်းပမည်

  မြစ်မခ ရန်ကုန်၊ နိုဝင်ဘာ ၂၁ ရက်။ မြန်မာနိုင်ငံမှ ကားဝါသနာရှင်များ စုဆောင်းထားသည့် ကားပုံစံငယ် (Diecast Scale Model)များကို အများပြည်သူ လေ့လာနိုင်စေရန် …