Thursday , November 30 2017
Home / FNews / စစ်တွေမြို့နယ်တွင် ဆိုလာပစ္စည်းအရောင်းဆိုင်မှ ဝါယာရှော့ခ်ဖြစ်ကာ ဈေးဆိုင်(၃၆)ခုနှင့် နေအိမ်(၁၁)လုံး မီးလောင်ပျက်စီး

စစ်တွေမြို့နယ်တွင် ဆိုလာပစ္စည်းအရောင်းဆိုင်မှ ဝါယာရှော့ခ်ဖြစ်ကာ ဈေးဆိုင်(၃၆)ခုနှင့် နေအိမ်(၁၁)လုံး မီးလောင်ပျက်စီး

ပန်လှအောင် (မြစ်မခ)

မင်းပြား၊ မေ (၂၄) ရက်။

ရခိုင်ပြည်နယ် စစ်တွေမြို့နယ် ဘုမေကျေးရွာအုပ်စု၊ သဲချောင်းကျေးရွာအနီး၊ ဘင်္ဂလီဈေးဆိုင်တန်းရှိ ဆိုလာ ပစ္စည်းအရောင်းဆိုင်တစ်ခုတွင် မေ ၂၃ ရက် ည(၁၀)နာရီ(၁၅)မိနစ်ခန့်က ဝါယာရှော့ခ်ဖြစ်ကာ မီးလောင်ကျွမ်း ခြင်းကြောင့် အနီးရှိ ဈေးဆိုင်နှင့် နေအိမ်များပါ ပျက်စီးဆုံးရှုံးခဲ့ကြောင်း သိရှိရသည်။  

“ဆိုလာရောင်းတဲ့ ဦးလိုလီယာဆိုင်ကနေ စလောင်တာပါ။ ဝါယာကြိုး အပူလွန်ကဲရာကနေ မီးလောင်တာပါ။ ဆိုင်ခန်း(၃၆)ခန်းနဲ့ နေအိမ်က(၁၁)လုံး မီးထဲပါသွားတယ်။ ဆုံးရှုံးမူတန်ဖိုးက တွက်နေတုန်းပါ။ ထိခိုက်ဒဏ်ရာရ သူ၊ သေဆုံးသူတွေတော့ မရှိပါဘူး။”ဟု စစ်တွေမြို့နယ် မီးသတ်ဦးစီမှုး ဦးဖြူချေက ပြောသည်။

အဆိုပါ မီးလောင်မူကို စစ်တွေမြို့နယ်၊ မီးသတ်တပ်ဖွဲ့မှ မီးသတ်ယာဉ်(၄)စီး၊ မီးသတ်တပ်ဖွဲ့ဝင်များနှင့် ဒေသခံ များက ဝိုင်းဝန်းငြှိမ်းသတ်ခဲ့ကြရာ ည(၁၀)နာရီ၊ မိနစ်(၃၀)ခန့်တွင် မီးငြိမ်းခဲ့ကြောင်း သိရသည်။

မီးလောင်မှုကြောင့် လျှပ်စစ်ပစ္စည်းအရောင်းဆိုင်၊ ကုန်စုံဆိုင်၊ အထည်ဆိုင်၊ အသီးအနှံဆိုင်များနှင့် နေအိမ်များ ပျက်စီးခဲ့ခြင်းကြောင့် မီးစတင်လောင်ကျွမ်းရာ ဆိုလာဆိုင်ပိုင်ရှင် ဦးလိုလီယာအား မီးပေါ့ဆမူပုဒ်မ ၂၈၅ ဖြင့် အမူဖွင့်ထားကြောင်း စစ်တွေမြို့နယ်မီးသတ်စခန်းမှ သိရသည်။

Check Also

ကျိုင်းတုံမြို့၌ လူငယ်ဖိုရမ်ကို ဒီဇင်ဘာ(၃)ရက်တွင် ကျင်းပမည်

  နိုင်နိုင်အောင်ဝေ (မြစ်မခ) ကျိုင်းတုံ၊ နိုဝင်ဘာ ၃၀ ရက်။ ရှမ်းပြည်နယ် (အရှေ့ပိုင်း) ကျိုင်းတုံမြို့ရှိ စည်ပင်သာယာခန်းမတွင် လူငယ်ဖိုရမ်ကို ဒီဇင်ဘာ(၃)ရက်၌ ကျိုင်းတုံ လူငယ်စင်တာမှ …