Wednesday , February 15 2017
Home / FNews / မုတ္တမပင်လယ်ကွေ့ဒေသကို ရေတိမ်ဒေသအဖြစ်သတ်မှတ်ရန် မွန်ပြည်နယ်အစိုးရသဘောတူ

မုတ္တမပင်လယ်ကွေ့ဒေသကို ရေတိမ်ဒေသအဖြစ်သတ်မှတ်ရန် မွန်ပြည်နယ်အစိုးရသဘောတူ

ချိုမာအောင် (မြစ်မခ)

မော်လမြိုင်၊ ဇန်နဝါရီ (၉) ရက်။

မွန်ပြည်နယ်၊ ကျိုက်ထိုမြို့နယ်နှင့် ဘီးလင်းမြို့နယ်ရှိ မုတ္တမပင်လယ်ကွေ့ဒေသအား မြန်မာနိုင်ငံ၏ တတိယ မြောက် ရေတိမ်ဒေသအဖြစ်သတ်မှတ်ရန် မွန်ပြည်နယ်အစိုးရအဖွဲ့မှ သဘောတူလိုက်ပြီး ပြည်ထောင်စုအစိုးရ အဖွဲ့၏ သဘောထားကို ဆက်လက်စောင့်ဆိုင်းနေကြောင်း သိရှိရသည်။

အဆိုပါသဘောတူညီချက်ကို ၂၀၁၇ ခုနှစ် ဇန်နဝါရီ ၅ ရက်တွင် ကျင်းပပြုလုပ်သည့် မွန်ပြည်နယ်အစိုးရအဖွဲ့အ  စည်းအဝေးဆုံးဖြတ်ချက်အရ သဘောတူခဲ့ခြင်းဖြစ်ပြီး ဇန်နဝါရီ ၉ ရက်တွင် ပြည်ထောင်စုအစိုးရအဖွဲ့ထံသို့ သဘောတူသည့်အကြောင်းကြားစာပေးပို့ထားကြောင်း သိရသည်။

“ကျွန်တော်တို့ အစိုးရအဖွဲ့က သဘောတူလိုက်ပြီ။ ရှေ့ဆက်ပြီး ပြည်ထောင်စုအစိုးရကိုစာပို့မယ်။ ပြည်ထောင်စု အစိုးရက တစ်ဆင့် ရေတိမ်ဒေသသတ်မှတ်ဖို့ လုပ်ငန်းစဉ်အတိုင်းဆက်လက်ဆောင်ရွက်သွားမယ်။”ဟု မွန်ပြည် နယ်အစိုးရအဖွဲ့ဝင်၊ သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာနမှ ဝန်ကြီး ဒေါက်တာမင်းကြည်ဝင်းကပြောသည်။

နှစ်စဉ် ဖေဖော်ဝါရီ ၂ ရက်ကို ကမ္ဘာ့ရေတိမ်ဒေသနေ့အဖြစ် သတ်မှတ်ထားသဖြင့် မုတ္တမပင်လယ်ကွေ့ဒေသအား ယင်းနေ့၌ ရေတိမ်ဒေသအဖြစ် ပြည်ထောင်စုအဆင့်မှ သတ်မှတ်နိုင်မည်ဆိုပါက မုတ္တမပင်လယ်ကွေ့ဒေသ သည် မြန်မာနိုင်ငံ၏ တတိမြောက်ရေတိမ်ဒေသတစ်ခုဖြစ်လာမည်ဖြစ်ကြောင်း ဒေါက်တာမင်းကြည်ဝင်းက ပြောသည်။

မွန်ပြည်နယ်၊ ကျိုက်ထိုမြို့နယ်ရှိ မြေဧက(၁၈၉၃၀)ဧကနှင့် ဘီးလင်းမြို့နယ်ရှိ မြေဧက(၃၄၅၈၀)ဧကကို မုတ္တမ ပင်လယ်ကွေ့ရေတိမ်ဒေသအဖြစ် သတ်မှတ်သွားမည်ဖြစ်ကြောင်း မွန်ပြည်နယ် သစ်တောဦးစီးဌာနမှတ်တမ်း များအရလည်း သိရသည်။

“ရေတိမ်ဒေသသတ်မှတ်လိုက်ရင် တချို့တွေထင်တာက သူတို့လုပ်ကိုင်နေတဲ့လယ်မြေကို သိမ်းဆည်းလိုက် မယ်။ လက်ရှိ ရေလုပ်ငန်း၊ ငါးပုစွန်ဖမ်းဆီးမှုတွေ ဆက်လုပ်လို့မရဘူးလို့ ထင်နေကြတယ်။ အမှန်တကယ်က အဲဒီလိုမဟုတ်ဘူး။ ရေတိမ်ဒေသသတ်မှတ်လိုက်တာနဲ့ ဒေသခံတွေအတွက် အများကြီးအကျိုးရှိလာမယ်။”ဟု သထုံခရိုင်သစ်တောဦးစီးဌာနမှ လက်ထောက်ညွှန်ကြားရေးမှူး ဦးမြင့်အောင်ကပြောသည်။

ရေတိမ်ဒေသအဖြစ် သတ်မှတ်လိုက်ခြင်းအားဖြင့် ၎င်းစီမံကိန်းဧရိယာအတွင်းနေထိုင်သည့် ဒေသခံပြည်သူများ ၏ စိုက်ပျိုးရေး၊ မွေးမြူရေးနှင့် အခြားသက်မွေးမှုဆိုင်ရာများ ဖွံ့ဖြိုးတိုးတက်စေရန်၊ သဘာဝပျက်စီးမှုနည်းစေရန် စသည့်လုပ်ဆောင်ချက်များကို အစိုးရ၊ ပြည်သူ၊ ပညာရှင်များနှင့် ပူးပေါင်းချိတ်ဆက်ဆောင်ရွက်သွားမည်ဖြစ် ကြောင်း သိရသည်။

အဆိုပါလုပ်ငန်းများကို ဖွံ့ဖြိုးတိုးတက်ရေးနှင့် ပူးပေါင်းဆောင်ရွက်ရေးဆိုင်ရာ ဆွစ်ဇ်အေဂျင်စီ(SDC)မှ ရန်ပုံငွေ ထောက်ပံ့ပေးမည်ဖြစ်ပြီး ရေတိမ်ဒေသအဖြစ်သတ်မှတ်နိုင်ရန် IUCN၊ NAG၊ HELVETAS၊ BANCA စသည့်အဖွဲ့ များမှလည်း ကူညီပံ့ပိုးပေးသွားမည်ဖြစ်ကြောင်း သိရသည်။

ရေတိမ်ဒေသတစ်ခုသတ်မှတ်နိုင်ရန် Ramsar Criteria(ရမ်ဆာစံနှုန်း) (၉)ခုရှိသည့်အနက် တစ်ခုနှင့်သာ ကိုက် ညီပါက နိုင်ငံတကာအရေးပါသောရေတိမ်ဒေသ(Wetlands of  International Importance-The Ramsar Site)တစ်ခုအဖြစ် အဆိုပြုနိုင်မည်ဖြစ်ရာ မုတ္တမပင်လယ်ကွေ့ဒေသသည် ရမ်ဆာစံနှုန်း(၆)ခုနှင့် ကိုက်ညီသဖြင့် မြန်မာနိုင်ငံတွင် ရမ်ဆာစံနှုန်းအများဆုံးရှိသည့်ဒေသဖြစ်ကြောင်း သိရသည်။

မြန်မာနိုင်ငံတွင် ရေတိမ်ဒေသအဖြစ် ၂၀၀၄ ခုနှစ်က ပဲခူးတိုင်းဒေသကြီးရှိ မိုးယွန်းကြီးအင်း၊ ၂၀၁၅ ခုနှစ်တွင် ကချင်ပြည်နယ်၊ မိုးညှင်းမြို့နယ်ရှိ အင်းတော်ကြီးကန်တို့ သတ်မှတ်ခံခဲ့ရပြီး ဆွစ်ဇာလန်အစိုးရ၏ထောက်ပံ့မှုဖြင့် ရေတိမ်ဒေသဖော်ထုတ်ပြီးစီးခဲ့သည့်ဒေသများမှာ ထိုင်းနိုင်ငံတွင်(၁၄)နေရာ၊ ကမ္ဘောဒီးယားတွင်(၄)နေရာ၊ ဗီ ယက်နမ်တွင်(၈)နေရာ၊ လာအိုတွင်(၂)နေရာဖြစ်ကြောင်း သိရသည်။

 

Check Also

NCAတွင် လက်မှတ်ရေးမထိုးရသေးသည့် တိုင်းရင်းသားလက်နက်ကိုင်များ သတ္တိရှိရှိဖြင့်လက်မှတ် ရေးထိုးကြရန် ဒေါ်အောင်ဆန်းစုကြည်တိုက်တွန်း

မင်းအံ့သွန်း (မြစ်မခ) ပင်လုံ၊ ဖေဖော်ဝါရီ (၁၂)ရက်။ တစ်နိုင်ငံလုံးပစ်ခတ်တိုက်ခိုက်မှုရပ်စဲရေးသဘောတူစာချုပ်(NCA)တွင် လက်မှတ်မရေးမထိုးရသေးသည့် တိုင်း ရင်းသားလက်နက်ကိုင်များကို သတ္တိရှိရှိဖြင့်လက်မှတ်ရေးထိုးကြရန် နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က တိုက်တွန်းပြောကြားလိုက်သည်။