Thursday , August 2 2018
Home / FNews / ၂၀၂၂ ခုနှစ်မှာ စတင်ဖွင့်လှစ်မယ့် ပစိဖိတ်သမုဒ္ဒရာထဲက ကမ္ဘာ့ ပထမဦးဆုံး ရေပေါ်နိုင်ငံ

၂၀၂၂ ခုနှစ်မှာ စတင်ဖွင့်လှစ်မယ့် ပစိဖိတ်သမုဒ္ဒရာထဲက ကမ္ဘာ့ ပထမဦးဆုံး ရေပေါ်နိုင်ငံ

 

၂၀၂၂ ခုနှစ်မှာ စတင်ဖွင့်လှစ်မယ့် ပစိဖိတ်သမုဒ္ဒရာထဲက ကမ္ဘာ့ ပထမဦးဆုံး ရေပေါ်နိုင်ငံငယ်လေးမှာ ကိုယ်ပိုင်အစိုးရအဖွဲ့နဲ့ အုပ်ချုပ်မှာဖြစ်ပြီး ကိုယ်ပိုင်ငွေကြေးတွေကို သုံးစွဲမှာ ဖြစ်တယ်လို့ ဆိုပါတယ်။ ပိုလီနီးရှားနိုင်ငံ တာဟီတီ ကျွန်းကလေးပေါ်မှာ တည်ဆောက်နေတဲ့ ဒီနိုင်ငံငယ်ကလေးဟာ အစိုးရရဲ့ စည်းမျဉ်းစည်းကမ်းဥပဒေတွေနဲု့ အုပ်ချုပ်မှာ မဟုတ်ဘဲ ကိုယ်ပိုင်ဥပဒေတွေ၊ စည်းမျဉ်းစည်းကမ်းတွေကို ချမှတ်သွားမှာ ဖြစ်ပါတယ်။ PayPal ရဲ့ တည်ထောင်သူ Peter Thiel၊ Blue Frontiers ကုမ္ပဏီနဲ့ Seasteading အဖွဲ့အစည်းတို့က ထောက်ပံ့ပေးထားတဲ့ ဒေါ်လာ သန်း ၅၀ တန် ဒီစီမံကိန်းဟာ ပိုလီနီးရှားအစိုးရနဲ့ ပထမဦးဆုံးအကြိမ်ပူးပေါင်းပြုလုပ်တဲ့ စမ်းသပ်စီမံကိန်းတစ်ခုလည်း ဖြစ်ပါတယ်။

ပစိဖိတ်သမုဒ္ဒရာထဲမှာ တည်ဆောက်ထားတဲ့ ဒီကျွန်းနိုင်ငံငယ်လေးပေါ်မှာ ဟိုတယ်၊ စားသောက်ဆိုင်၊ ရုံးခန်းတွေအပါအ၀င် လူနေအိမ်ပေါင်း ၃၀၀ လည်း ပါဝင်မှာ ဖြစ်ပါတယ်။ ဒီကျွန်းနိုင်ငံလေးဟာ ပြင်ပက နိုင်ငံရေးအရှုပ်အထွေးတွေမရှိဘဲ တစ်နေ့နေ့မှာတော့ ဒီနေရာမှာ ရာသီဥတုဖောက်ပြန်မှုကြောင့် အိမ်ယာဆုံးရှုံးခဲ့ရသူတွေကို နေထိုင်စရာနေရာ ပေးနိုင်တော့မယ်လို့ ရေပေါ်နိုင်ငံစီမံကိန်းကို အကောင်အထည်ဖော်နေသူ နိုင်ငံရေး သိပ္ပံပညာရှင် Nathalie Mezza-Garcia က ဆိုပါတယ်။

ပိုလီနီးရှားနိုင်ငံကကျွန်းကတွေဟာ သန္တာကျောက်တွေပေါ်မှာ တည်ရှိနေကြတာဖြစ်ပြီး ပင်လယ်ရေမျက်နှာပြင်မြင့်တတ်လာတဲ့အခါမှာ တချို့ကျွန်းကတွေကို ရေတွေဖုံးလွှမ်းသွားတတ်ပါတယ်။ အခုတည်ဆောက်နေတဲ့ ပထမဦးဆုံး စီမံကိန်းဟာ အလုပ်ဖြစ်ပြီဆိုရင် တခြားကျွန်းတွေမှာလည်း ဒီလိုစီမံကိန်းတွေတည်ဆောက်ပြီး ရာသီဥတုဘေးဒါဏ်ခံရတဲ့ ပြည်သူတွေအတွက် နေစရာ အိမ်တွေကို ထောက်ပံ့ပေးနိုင်မှာ ဖြစ်တယ်လို့ Mezza-Garcia က ဆက်ပြောပါတယ်။

ဒီစီမံကိန်းဟာ ၂၀၂၂ ခုနှစ်မှာ ပြီးဆုံးမယ်လို့ ခန့်မှန်းပြီး ဆောက်လုပ်မှု ကုန်ကစရိတ် စုစုပေါင်း ဒေါ်လာ သန်း၅၀ ခန့် ကုန်ကျမယ်လို့ ခန့်မှန်းကြပါတယ်။ ကျွန်းပေါ်က အဆောက်အဦးတွေကို အစိမ်းရောင် အမိုးတွေနဲ့ မိုးထားမှာဖြစ်ပြီး သစ်ပင်ပန်းမံတွေနဲ့ အလှဆင်ထားမှာ ဖြစ်ကာ ၀ါး၊ အုန်းဆံကြိုး၊ သစ်သား၊ ပြန်လည်အသုံးပြုနိုင်မယ့် သတ္တုတွေ၊ ပလက်စတစ်တွေကို သုံးပြီး တည်ဆောက်သွားမှာဖြစ်တယ်လို့ ဆိုပါတယ်။ ဒီနိုင်ငံငယ်လေးဟာ ကိုယ်ပိုင်ဥပဒေသတွေနဲ့ လည်ပတ်ပြီး နိုင်ငံတကာရေပိုင်နက်ထဲမှာ တည်ရှိနေမယ့် ရေပေါ်နိုင်ငံငယ်လေးဖြစ်လာမှာဖြစ်တယ်လို့ ဆိုပါတယ်။

နောက်ပိုင်းမှာတော့ ဒီလိုကျွန်းပေါင်း ရာနဲ့ချီတည်ဆောက်ဖို့ အစီအစဉ်ရှိပါတယ်လို့လည်း ဆိုပါတယ်။ ကျွန်းတစ်ကျွန်းရဲ့ စီမံအုပ်ချုပ်မှုအောက်မှာ မနေချင်တော့ဘူးဆိုရင် ကိုယ်နေထိုင်တဲ့ အိမ်ကို တခြားကျွန်းတစ်ကျွန်းဆီကို သယ်ယူပို့ဆောင်လို့လည်း ရပါတယ်။ ဒီစီမံကိန်းရဲ့ ရည်ရွယ်ချက်ကတော့ တည်ရှိနေတဲ့ သဘာဝပတ်သ၀န်းကျင်ကို ထိခိုက်မှု မရှိစေဘဲ လူတွေဟာ သဘာဝတရာကြီးနဲ့အတူ ဟန်ချက်ညီညီ အတူယှဉ်တွဲနေထိုင်နိုင်ဖို့ ဖွံ့ဖြိုးမှုလုပ်ငန်းတွေကို ပြုလုပ်ဖို့ ရည်ရွယ်တာဖြစ်ပါတယ်။

REF_

Check Also

Huawei P20 နှင့် P20 Pro ကို ဇွန် ၃ ရက်မှ စတင်ကာ မြန်မာနိုင်ငံတွင် ဝယ်ယူနိုင်ပြီ

  ယမုံ (မြစ်မခ) ရန်ကုန်၊ ဇွန် ၄ ရက်။ ကမ္ဘာ့ပထမဆုံး Leica ကင်မရာသုံးလုံးပါ စမတ်ဖုန်းမှ အသိဥာဏ်တုစွမ်းဆောင်ရည်နည်းပညာ(AI) ပါဝင်သည့် နာမည်ကျော် Flagship …